Fillimet e arsimit në Mat nisin në vitet e para të shekullit të njëzetë.Në fillim gjuha shqipe e inicuar nga rilindasit filloi të mësohej fshehtas,krahas gjuhës turke.Më vonë nisën të happen shkollat në gjuhën amtare.

Shkolla e parë shqipe në Mat është hapur për herë të parë në Lis në vitin 1912.Mësuesi i parë i kësaj shkolle ishte patrioti Abdurrahman Përmeti,i cili ishte dërguar nga shoqëria "Drita" e Stambollit.Më pas më 1916 u rihap shkolla në Lis dhe një shkollë e re në Bejn,ndërsa më 1920 u hapën shkolla në Derjan dhe në Klos.

Në vitin 1925 në Burrel u themelua internati me një klasë me konvikt.Drejtori i parë i këtij internati ishte Omer Beshiri.Kjo shkollë ,e cila kishte një sistem pesë vjeçar,kishte emrin "Mati".Aty mësohej krahas fesë edhe vegla muzikore,si mandolinë,violinë,si edhe gjuha turke.Nga 1925 deri në 1935 në Mat ishin hapur 13 shkolla fillore dhe 2 shkolla të mesme.Në këto shkolla mësonin rreth 1000 nxënës…